Ngā kōrero haumi mārama nei, ngāwari nei, kaupapa wātea nei

Nā Sarah Delany i tuhi, nā Reo Whairawa Limited i whakamāori

Puta noa i te mākeremumu, ka pāngia a Aotearoa ki ngā āhuatanga huarere taikaha. I Ōropi me Amerika, nā te wera nui i puta ai ngā paemahana kāore anō kia tuhia. E whakaaetia ana ināianei, nā te mahi tangata i huri ai te āhuarangi o te whenua . 
Ka patapataihia mātou - me pēhea te hāumiumi a IWIinvestor hei āwhina i te āhuarangi hurihuri? Kei tēnei putanga, ka whakarāpopotohia te āhuarangi hurihuri, ngā pūtake, me te whakamārama i te tīpakonga o ngā hāumiumi kei ā mātou huinga haumitanga hei āwhina ki te whakaiti i te kino ki a tātou me te ao.

He Whakarāpopoto…

Ka hāngai atu te āhuarangi hurihuri ki ngā nukuhanga wā roa o te paemahana me ngā āhua o te huarere. He ‘whakaaweawe kati mahana’ māori tō te ao e mau ai te wera o te kōmaru i tō tātou kōhauhau. Ka tuku te hapori me ngā mahi a te tangata i ngā haurehu e pēnā ana i te paraikete huri noa i te whenua, e rahi ake ai taua whakaaweawe kati mahana nei. Ka tukuna ngā haurehu ki te kōhauhau mā te taraiwa waka, mā te tahu waro koranehe, mā te wāereere whenua, mā ngā ruapara anō hoki. Ko te pūngao, ko te ahumahi, ko ngā ekenga, ko ngā hangatanga, ko te ahuwhenua, ko ngā whakamahitanga o te whenua anō hoki ngā mea tuku matua .
Ko ngā haurehu tārore wera māori katoa kua tuku atu ki te kōhauhau ko te waro hāora-rua, ko te mewaro, ko te hauota-rua ōkai. 

O ngā mea e toru, ko te Waro hāora-rua tētehi o ngā tino kūraruraru nā te matarahi ake o te pāmahanatanga i te whakatōpūtanga o ērā atu haurehu katoa . Mā te hangarau o ēnei rā e tutuki ai te rangahau atu me te ine i te tuku waro hāora-rua a te kamupene, arā, te 'tapuwae waro'. Hei reira taea ai te whakamahi i aua pārongo hei whakatau i te pai o te kamupene kia whakauru ai ki roto i ā mātou huinga haumitanga.

[1] World Health Organisation, United Nations, European Commission for Climate Action

[2] What Is Climate Change? | United Nations

[3] National Oceanic and Atmospheric Administration

I te taha o tō mātou hoa rangahau, ka āta kōwhirihia e IWIinvestor ō mātou Kaiwhakahaere Tahua Pūtea. Ka whiriwhirihia mā te whakamahi i te maha o ngā paearu pēnei i te āhuarangi hurihuri, te pānga o te taiao me ngā whakaaro mō te haumi aronui.
Ka whakatutuki ngā Kaiwhakahaere Tahua Pūtea i ā rātou ake rangahau taipitopito. Ka taea e ratou te hoko me te hoko atu i nga haumitanga takitahi mā te:

• ka awere i ngā tino tuku waro pēnei i ngā kamupene kōhinu. Ka awere hoki pea i ngā mea tukutuku torohū, pērā i ngā kamupene rato ngao, rato raima, rato maitai anō hoki.
• ka tātaritari i te mahi whenua a tētehi kamupene, te whakangaro i te kanorau koiora, me te hītori o ngā rerenga tāoke, me ngā para whakahaere, me te whakahaere wai. Hei reira pea ka whakaiti rātou i ngā whiwhinga ki roto i aua kamupene.
• ka nui ake te tāpiri i ngā kamupene e iti ana te tuku waro.
• ka whiriwhiri i ngā kamupene hei hoko i roto i ngā rāngai. Hei tauira, he tino rerekē ngā tukunga i te Rāngai Hangarau Whakaaturanga (HW), nō reira me whānui atu te rangahau me te tātaritanga. Ko ngā kamupene e whakaputa ana i ngā pūkawe hikohiko haurua e kiia ana kei roto i te rāngai HW, ā, he mea tukutuku nui, nā reira ka awerehia atu. Engari ngā kamupene ipurangi pēnei me Google, kei roto hoki i te rāngai HW, ā, he mea tukutuku iti, nā reira, he rite tonu te tāpirihia.    

Te tīpako i ngā kamupene?

Ka hāngai te whakatau hei awere rānei, hei whakaheke rānei, hei whakauru rānei i ngā kamupene e ai ki te pūnaha rangahau tuatinitini.

Pānoninoni ai ngā raraunga e whakamahia ana e āhei ai ngā tāngata katoa e hāngai ana ki te whakatau i ngā whiringa papai ake.

Ko ngā kamupene rangahau motuhake e tautoko ana i ngā whakatau ko:
• MSCI ESG Research        • SS Governance