skip to main content

Ngā kōrero haumi mārama nei, ngāwari nei, kaupapa wātea nei

Nā Sarah Delany i tuhi, nā Reo Whairawa Ltd i whakamāori

He tino taonga tēnei mētara puiaki. Rata rawa ai tātou ki te hoko me te whakarewa iho hei pororoa rānei, hei kapa rānei, hei kahurangi rānei, me te hoko atu ki tangata kē (hei hua ka tika!).

Nuku atu i te kotahi mano tau e mate aroha ana te tangata i te kōura. Kāore he mea i tua atu, nō te tīmatanga rānō o te takinga hītori kua whakawai mai te kōura i a tātou. Ko tō tātou manawa reka ki te kōura me ngā tini whakamahinga e mau tonu ai te wāriu.

He āhuatanga motuhake tō tēnei mētara. Kāore e waikura rānei, e poapoa rānei, e tūnguru rānei, e hanehane rānei, ā, ka taea hoki te taratarai me te whakairo. He mea kawe hiko, he kaha roa, he ngāwari te harihari. He mea māngohe noa (arā, he māmā noa te hoko atu hei moni). Ina whai koe, kāore ōna tūraru whakahokinga kore rānei, ōna tūraru whatinga here taurewa rānei - kāore e tatū i tētehi atu hei whakaea i a koe ki te huapūtea me te pūtea tōpū. He ongeonge nō te kōura, e nui ake ai pea te hiahia me te rahi o te utu. Kua whakaaetia te kōura e ngā ahurea maha puta noa i te ao hei pūtea utu.

Ko ēnei mea tōpū, e tohu ana i te maha o ngā tono mō tēnei rawa whakaharahara. 

Hei aha te hāumiumi atu i te kōura?

  • He rawa urutapu te kōura, e meatia ana i te ao hāumiumi, he taonga hoko. He taonga hoko kē atu hei hāumiumi ko te kapa, ko te huka, ko te raihi, ko te kawhe. Hāumiumi ai tātou i ngā taonga hoko i te mea he rerekē ngā wā e aro whakarunga ana te utu, tēnā i ngā wā e aro whakarunga ana te utu o ētehi atu momo haumitanga, pērā i ngā tūtanga pakihi. Mā te whai i ngā rerenga kētanga o aua pikinga utu e nui atu ai te kanorau o tō huinga haumitanga, ā, mā reira hoki e heke ai te tūraru.

  • Ko te nuinga o te kōura kua karia, e mau tonu ana hei hanga e tīkina atu ai, arā, hei puriona, hei ngahuetanga kahurangi. Koinei i motuhake ai te kōura – ka mau tonu tētahi wāhanga o te wāriu i te purutanga, hei aha te whakamahi atu (he rere kē nei i te huka rānei, i te raihi rānei, i te kawhe rānei), ā, ka tatari kia piki te wāriu. Me te mea hoki, nō te tau 2000, kua heke te kari i ngā maina kōura hou, ā, hei tikanga whānui ka piki te utu i te hekenga o te ratonga.

  • Ina haumi koe i ngā pororoa me ngā kapa kōura, ka wātea koe i te tūraru whatinga here taurewa. Hāngai nui ai taua momo tūraru ki ngā haumitanga e whakawhirinaki ana ki te whakaeanga o te kurutete i te hunga tuatoru (hei tauira, he pērā i te utu i te huapūtea rānei, i te pūtea tōpū o te haumitanga taurewa pūmau rānei).

  • He rite tonu te piki o te utu o te kōura ina piki te utu kāinga (pikinga utu). Mehemea he rawa āu i tō huinga haumitanga e whai ana i te pāpātanga pikinga utu, ko te tikanga, ka whai tata āu haumitanga i te utu o ngā mea me ngā ratonga. Ina hāumiumi tātou i ēnei momo haumitanga parahau pikinga utu, ka meatia e mātou he karo tērā i te pikinga utu.

 

 

Hei whai i ngā kōrero kē atu mō āu haumitanga rānei, mō ā tāu Tarāti rānei, kei takaroa te whakapā mai, ki info@iwiinvestor.co.nz.

Hei Parenga: He pānga whānui noa nei nō ngā kōrero kei roto i tēnei whakaputanga. Kāore pea e hāngai pū ki ngā āhuatanga takitahi. I ngā wā katoa, me whai ngā tohutohu ahumoni a tētehi Kaitūtohu Ahumoni e mahi ana i raro i te raihana FMA i mua i ngā whakataunga hāumiumi.

 
 

Kōura – he rawa ururua rānei, he haumitanga pai rānei?

 

 

Ngā Whakamahinga i ēnei rā

Whakapīwari – e 80% te whakamahinga o te kōura o nāianei hei momo whakapīwari.

Moni – kua 6000 tau e whakamahia ana hei tikanga hokohoko.

Hangarau – he pūkawe pai e taea ana te kawe i ngā iahiko tauiti me te noho waikura-kore.

Mātai Niho – Kua whakamahia te kōura i roto i ngā mahi mātai niho mō ngā mano tau nā te hototahi ki te tinana, ā, kāore pea he mate āpiti e hua mai i te waha.

Mētara Kōura Taumāhekeheke - hei itinga iho, me whai 6 karamu kōura ngā mētara kōura katoa o te taumāhekeheke.

NASA  - Ka taea te whakamahi mō ētehi waehanga āmiorangi, mō ngā kahu tuarangi hoki.

Ka whakaata te Kōura i te rama pōkākā i te wā e tuku tonu ana i te marama kitea. Nā tēnei e ao ana hai kōpare mō ngā kaipōkai tuarangi i te aho tātari-kore o te rā.

Ngā Tūraru

  • Ko te tūraru tuatahi ko te wā e hiahia ai koe ki te hoko atu i te kōura, kei iti iho te utu i tō te hokonga mai. E mōhiotia ana tēnei ko te tūraru mākete. Ka heke iho taua hanga i te roa o te pupuritanga.

  • Kāore he tuku atu i te hua pūtea - ko ngā ‘hua’ i te pikinga ake o te uara.

  • Kei heke te utu i te kitenga atu i te ratonga kōura hou me te ranea mai o tērā kōura.

  • Ka whakapai ake ngā āhuatanga ōhanga, ka whai pea ngā kaihaumitanga ki ētahi atu rawa, kei heke te utu.

Hei Parenga: He pānga whānui noa nei nō ngā kōrero kei roto i tēnei whakaputanga. Kāore pea e hāngai pū ki ngā āhuatanga takitahi. I ngā wā katoa, me whai ngā tohutohu ahumoni a tētehi Kaitūtohu Ahumoni e mahi ana i raro i te raihana FMA i mua i ngā whakataunga hāumiumi.

 

 

 
+ Text Size -